SA AKONG pagpauli usa ka adlaw, nakita ko ning bagong coffee shop sa may J.P. Laurel Avenue.
Nahimutang sa Wheels N’ More compound.
Molabaw ug tataw gyud ang Kopi 82 tungod sab sa mabulukon niining murals.
Luyo sa nindot nga kolor, bugnaw sa mata, nindot sab ang pagposisyon sa ilang lingkuranan.
Dunay porsiyon nga alang sa grupo, may dapit sab nga mag-atubang ka sa bintana uban ang tag-as nga lamesa.
Alang sa ilang pagkaon ug ilimnon, ang Kopi 82 nagtanyag sa coffee-based drinks, non-coffee drinks sama sa tsaam alcoholic beverages sama sa beer o wine, appetizers, pasta, ug rice meals. Nagasilbi sab sila og cakes.
Sa mga naunang pagduaw nako sa dapit, sagad nakong ginaorder ang Longsilog (P180), Bistek Tagalog (P180), Meatball Marinara (P150), Carbonara (P150), ug Spicy Shrimp Aglio Olio (P150).
Samtang sa ilimnon, ginapili nako ang Cappuccino (P110) o Iced Americano (P100).
Apan may higayon nga nagaorder ko og Ruinsbre Double VI beer ilabi na og gikan sa tapun-og nga gimbuhaton.
Labot sa ilang pagserbisyo, gipatuman nila ang self-service.
Nagpasabot nga moadto ka sa ounter aron mo-order dayon tawgon ang imong ngalan.
Apan bisan og self-service sila, alang nako maabi-abihon ang ilang personahe nga sagad makigtsika pa sa ubang kustomers.
Usa sa pinaka-ganahan nako nila mao ang limpyo nilang comfort room.
Sa panahon nga buot magmuni-muni, nindot nga spot ang Kopi 82 nga dali ra sab nga tultulon.
With regards sa ilang presyo di kaayo mahal, kalidad sab ang pagkaon.