GIBASURA sa Department of Justice (DOJ) ang kasong two counts of rape batok sa kapamilya star nga si Ferdinand "Vhong" Navarro nga giduso sa model nga si Deniece Cornejo.
Ang maong kaso nagtumbok kang Navarro nga milugos sa aktres sulod sa iyang condominium unit niadtong Enero 17 ug 22, 2014.
Nakuha sa ABS-CBN News ang 20-page resolution nga adunay petsa Abril 30, diin wala gitugot sa DOJ ang hangyo ni Cornejo nga balihon ang resolusyon sa DOJ Prosecutor General's niadtong Septyembre 6, 2017.
Niadtong April 30 ruling, ang DOJ miingon nga kulang og ebidensya ang gisang-at nga kaso ni Cornejo batok sa actor, "no sufficient evidence to warrant [Navarro's] indictment for rape and attempted rape, there is no compulsion to indict him accordingly."
Tungod niini gibasura sa DOJ ang maong kaso tungod na usab sa usab-usab ang testimoniya ni Cornejo sa iyang tulo ka complaint-affidavits batok sa aktor.