USA ka Dabawenya ang milangkat sa usa sa mga korona sa ICSM Infinity Pageants-Philippine Global Queens pageant nga gihimo sa Grand Ballroom sa Shangri-La sa Fort, Manila, sa nakalabay nga adlaw.
Si Joanna Ricci Alajar sa Davao City, mi-angkon sa koronang Miss Inter-Nations Philippines 2019.
“Thank you so much to my dear Lord for showering this blessing to me. You have answered my prayers the best possible way and I am more than grateful for everything,” ni Joanna sa iyang Facebook post.
Ang 5'9 nga dalaga, maoy representante sa Pilipinas sa Supermodel International 2016.
Atol sa pila ka adlaw nga kompetisyon, very proud nga girampa ni Alajar ang obra sa mga Mindanaoan designers nga suma niya buotan kaayong nakig-collaborate kaniya.
Usa sa designer niya si Neil Jimlani nga maoy naghimo sa National Costume ni Binibining Pilipinas 2018 Jezha Huelar.
Miduyog sab sa kampanya ni Alajar ang world class designer nga si Kenny Ladaga ug ang official designer sa Super Sireyna Queen of Opal, Angel Montenegro nga si Aries Buenvinida.
"To my team, #TeamRodni, kuya Rodni Noel, Dagongdong Varquez, kuya Philip Naraga Mondido, kuya Jay Ibay, kuya Lucky Santos and kuya Neil Patrick Jimlani, thank you so much for making this happen. Without you, I can never be as confident as I am because of your love and support and especially your talents, it has been a way for me to standout and be fearless," dugang niya sa iyang pasalamat sa iyang Facebook post.
Nasayran nga sunod tuig motigi si Alajar sa internasyunal nga kompetisyon.
Ubang winners sa kompetisyon mao ang mosunod:
Miss Cosmos Philippines 2019: Kylah Sanchez sa Liloan, Cebu
Miss Galaxy Philippines 2019: Ma Andrea Endicio sa Candelaria, Quezon
Miss Regency International Philippines 2019: Desiree Justiniane sa Sta. Rosa, Laguna
Miss United International Philippines 2019: Princess Pusing sa Masbate
Miss Global United Philippines 2019: May Angelic Emmanuel Marzouk sa Balangiga, Eastern Samar
Miss Continents Philippines 2019: Alexandra Mae Dalumpines sa Filipino Community sa Los Angeles, California
Miss United Nations Philippines 2019: Almas Choudhry sa Marikina City
First Princess: Andrea Sulangi sa Morong, Bataan
Second Princess: Czarina Sucgang sa Caloocan City