Lokal Kasikas: Filmmaking for a cause

ANG Blank Productions, usa ka grupo sa local amateur short filmmakers, gipasidunggan isip Best Film and Most Creative Incorporation sa adbokasiya nilang “Filmathon for a Cause: Campaign against Single Use of Plastics (ATSUP)” sa Davao City, Pebrero 24.

Si Ivan Romar Cabanial, usa sa miyembro sa produksiyon, nagkanayon nga wala sila magdahum nga modaug.

Si Cris John Manero, laing miyembro sa Blank Productions, nagdugang nga ang short film nilang “Anong Nangyari kay Andrew Magsilang?” nagyagyag sa istorya sa usa ka vlogger nga naggamit og environmental campaign sa iyang video aron makadani og daghang subscribers apan gibuhat niya ang laing butang luyo sa camera.

“I, along with my two other great teammates, formulated a story according to our own interpretation of the theme “Campaign Against Single Use Plastics Davao” and all of the elements we had in mind were implemented into one short film that uses mockumentary technique,” ni Neo Bryce Largo.

Dugang niya nga ang short film dunay indie and fantasy style.

Ang Blank Productions gilangkuban nila Ivan Cabanial, Neo Bryce Largo, ug Chris John Manero.