INSPIRED sa tagsa-tagsa nila ka karelasyon ang bida sa upcoming science-suspense series sa GMA-7 nga 'The Cure' sila Jennylyn Mercado ug Tom Rodriguez.
“Pinakamasaya!, with a smile nga tubag sa aktres dihang gitsika kini sa mga media sa ilang pag-anhi sa Davao recently aron maki-join sa ika-81 nga Araw ng Davao celebration.
Kasamtangang karelasyon karon ni Jen si Dennis Trillo.
“Napapakita namin yung best namin sa isa't isa. Tsaka, masaya yung magkasundo kayo talaga. Kasi hindi naman kami magtatagal sa relasyon namin kung hindi kami masaya diba,” matod ni Jen.
Gihulagway usab ni Tom nga “great” ang upat ka tuig nilang relasyon ni Carla Abellana.
Dugang sa aktor nga 'perfect ang lovelife niya sa kasamtangan.
“I feel I can be myself. I can be my best ideal self."
Sa pikas bahin, aminado sab si Jen nga mas milami ang ilang part two ni Dennis human sila nagkabuwag kaniadto.
Dugang sa aktres nga sa ikaduhang hugna sa ilang relasyon mas nakat-on ug nag-mature sila.
“Malaki ang pagkakaiba nung dati. Pareho pa rin kaming bata nun, e... ay, ako lang pala! So, medyo marami na rin kaming pinagdaanan. Marami na rin kaming natutunan," matod ni Jen.
Apan dihang gisukit-sukit ang aktres sa kung pila na gyud sila katuig as couple ni Dennis, mikatawa ra kini ug mihangyo nga i-balato na lamang kanila ang maong impormasyon.
Human sa pakigtsismisan, ang duha midiretso sab sa SM City Davao alang sa Kapuso Mall Show uban ang bida sa The Stepdaughters nga sila Megan Young, Mikael Daez ug Katrina Halili.