KUNG Pasko, daghang mga bata ang malipay labi na kung kauban nila ang ilang mga ginikanan, apan di tanang bata nakasinati niini.
Mao nga ang volunteer-employees sa Davao Light and Power Co., Inc. ubos sa Customer Services and Retail Department (CRSD) nahimong mga Santas sa ilang pagpanghatag og mga espesyal nga regalo ngadto sa mga bata sa Balay Dangupan.
Ang maong gift-giving activity dunay titulong, “Kaibigan Gives Back,” usa ka tinuig nga aktibidad sa Davao Light uban sa partnership sa Aboitiz Foundation.
“Because of your help, we are not losing hope. One day, who knows, the children of Balay Dangupan will be able to finish school and work, probably even in Davao Light, when that day comes, we can do the same thing you do, share blessings to other children,” sulti sa usa ka bata nga anaa sa Balay Dangupan atol sa iyang paghatag og mensahe.
Sa maong higayon, tanang Santa employees nga anaa didto nanulo ang ilang mga luha ug ang lawak nabulit sa emosyon nga maoy nakapahilak kanila.
“In this time of the year where we give most emphasis to the value of sharing and giving, it is also the best time to remind them that we are here for them. Sometimes we just have to let sthem know that other people care for them,” ingon ni Socrates Arce, ang Davao Light CRSD manager.
Moihap sa 44 ka mga bata ang naapuran og mga pamasko gikan sa DLPC.
Ang Balay Dangupan usa ka government facility sa Davao City Local Government Unit nga mimatuto sa mga bata alang sa ilang mga panginahanglan ug proteksyon.