PAGPALIPAY ngadto sa kabataan bisan sa gamay nga butang, dako na kini alang sa mga bata labi na og tagsa lang kini mahitabo sa ilang kinabuhi.
Kini ang malampusong gift-giving sa Davao Light and Power Company Inc. (DLPC) ngadto sa 62 ka mga bata nag-edad 2 hangtud 5-anyos gikan sa Child Care Care Center sa Barangay Tagpore, Panabo City, Disyembre 20, 2018.
Walay kabutangan sa kalipay sa mga bata human nila nadawat ang ilang mga Christmas gifts nga mga dulaan, sanina ug mga gamit sa pag-eskuwela.
Ang maong gift giving usa ka partnership uban sa City of Panabo, City Social Welfare Department Panabo ug sa Department of Social Welfare and Development Davao Region.
Kini agi og usa sa mga corporate social responsibility sa DLPC ngadto sa komunidad sa ulahing mga semana sa tuig 2018.