GIBUTYAG sa Commission on Elections–Davao City (COMELEC–Davao City) ang mga pangalan sa mga kandidato alang sa mga konsehal sa unang ug ikaduhang distrito kinsa nisumite sa ilang Statements of Contributions and Expenditures (Soce) una ang gitakdang deadline niadtong Hunyo 11, 2025.
Gibalandra sa Comelec alang sa District 1 ang pangalan sa mga kandidato sa pagka-konsehal kinsa nagsumite sa ilang Soce niadtong Hunyo 11, 2025.
Kini mao sila Rodrigo “Rigo” S. Duterte II, Ragde Nino P. Ibuyan, J. Melchor B. Quitain Jr., Tristan Joshua B. Corsino, Priscilla G. Albarracin, Luna Maria Dominique Acosta-Manlitoc, Ricky E. Liparanon, Markoper P. Javier, Francis L. Gonzalez, Jessica M. Bonguyan, ug Pamela Librado-Morata.
Apil sa listahan mao sila Archie Z. Cubos, Temujin B. Ocampo, Nilo M. Abellera Jr., Gilbert Q. Villasis, Bonz Andre A. Militar, Mary Jane C. Aguinaldo, Antonette A. Sabes, Alvin T. Roy, Rogelio F. Jabines, Kariz Ayah C. Martinez, Jassille B. Dulla-Cherry, ug Faye B. Al-ag.
Samtang sa District 2 nga na-post niadtong Hunyo 16 ang mga pangalan sa kandidato kinsa nisumite sa ilang Soce.
Kini naglakip kang Ralph O. Abella, Doce O. Apostol, Al Ryan S. Alejandre, Mary Crystel I. Abrenica, Richlyn J. Baguilod, Louie John J. Bonguyan, Janel D. Banzon, Nilo C. Cabiles, Arnulfo Ricardo B. Cabling, Regidor F. Cortez, Keith Jon N. Corton, ug Danilo C. Dayanghirang.
Ubang mga kandidato nga nagsumite mao sila Jonard C. Dayap, Jimmy G. Dureza, Antonio A. Emberda, Maja Lakambini O. Enriquez, Rhia V. Felipas, Felochie A. Gencianos, Diosdado Angelo J. Mahipus, Paola Isabelle O. Salvador, Allan P. Simo-ag, Henry D. Respecia, ug Erwin L. Uy.
Mga kandidato sa pagka-konsehal sa District 3 kinsa nagsumite sab sa ilang SOCE naglakip kang Bai Hundra Cassandra Dominique Advincula, Ritchelle Joy Al-ag, Jose Marie Baluran, Ramon Bargamento, Ramil Fernando Brucal, Michael John Cabalhin, Ricky Castillote, Carmelo Clarion, Myrna Dalodo-Ortiz, ug Efren Echalico.
Apil nga nalista mao sila Larry Franco, Junrich Malolot, Rodolfo Mande, Luis Narisma, Judah Pantig, Antoinette Principe, Rowena Donato, Alberto Ungab, Lorenzo Benjamin Villafuerte, Trisha Ann Villafuerte, ug Rachel Zozobrado.
Niadtong Hunyo 13, gikompirma sa Comelec-Davao nga duha lang ka mga mayoral candidates Bishop Rodolfo “Rod” Cubos ug Karlo Alexei Nograles nisumite sa ilang SOCE.
Tanang upat ka mga vice mayoral candidates Bernie Al-ag, Richard Algebra, Sebastian “Baste” Duterte, ug Rhodora Barcena niduso sa ilang Soce.
Alang sa 1st district congressional race, nituman sila Paolo “Pulong” Duterte, Janet Jabines, Rex Labi, Maria Victoria Ignacia “Mags” Maglana, ug Margarita Ignacia “Migs” Nograles.
Sa second district, mga kandidato nga sila Omar Vincent Duterte, Melogen Montesclaros, ug Augusto Javier III Campos nisumite sa ilang Soce.
Alang sa third district, sila Wilberto Al-ag ug Isidro Ungab.
Nisumite sab og Soce ang lokal nga partido nga Hugpong sa Tawong Lungsod (HTL).
Sukad Hunyo 19, 84 sa 97 ka lokal nga kandidato nisumite sa ilang mga SOCEs.
Gipahimangnoan ni Comelec-Davao’s Third District Election Officer and Board of Canvassers Chairperson Atty. Shajani Ebrahim ang mga kandidato nga ang pagduso sa Soce mandatory, daug man o pildi.
Ang di motuman niini gikonsidera nga election offense ug dunay multa.
Matud niya nga alang sa unang kalapasan, mga kandidato sa House of Representatives mobayad og P30,000; city mayors ug vice mayors P20,000 nga multa, samtang alang sa mga konsehal, P15,000.
Sa ikaduhang kalapasan, alang sa House of Representatives nga kandidato, P60,000 na ug di na makadagan alang sa public office.
Matud niya nga bisan kung mobayad sa multa, ang mga kandidato di na maabswelto sa ilang administrative liability, ug makadawat og sulat gikan sa Comelec main office tungod sa ilang kapakyas sa pagsumite sa ilang SOCE.
Ang national office sa Comelec sayo niini, nagkompirma nga wa nay lugway ang itugot, ug gipahimug-atan nga ang Hunyo 11 nga deadline dugay nang gipahibalo.
Nagpasidaan ang buhatan nga mga kandidato nga mapakyas sa pagsumite sa Soce di tugtan nga mo-asumer sa katungdanan ug mag-atubang og kasong administratibo.
Mga kandidato kinsa malampuson nga nakaduso sa ilang Soce isyuhan og Certificate of Formal Compliance, nga maoy gikinahanglan una sila palingkuron sa katungdanan. Ang Soce kinahanglan nga personal nga pirmahan sa kandidato o sa party treasurer sa political party ug party-list.
Tanang Soce kinahanglan nga isumite sa gikinahanglan nga ihap sa hard copies, ubanan sa soft/electronic copy sa PDF ug Excel formats.
Gipahimug-atan sab sa buhatan nga ang pagsumite sa Soce pinaagi sa registered mail, email, courier, o messenger services gidili. (Rojean Grace G. Patumbon)