GENERAL SANTOS CITY -- Nahikurat ang tag-iya sa mga kanding likod sa ilang balay sa kasaba sa mga hayop alas 9:15 sa gabii, Dominggo, Marso 23, 2025, sa Lebak, Sultan Kudarat Province.
Matud ni alyas Bert nga nagpuyo sa Lebak, Sultan Kudarat nga gipukaw siya sa iyang asawa sa kasaba sa ilang mga binuhing kanding nga gihikot sa likod sa ilang balay.
Gisusi dayon ni Bert ug dako ang iyang kakurat gumikan iyang nakit-an nga gisulayan sa pagtakmag ang iyang binuhi nga babayeng kanding sa wala mailhing lalaking suspek.
Sa dihang naispatan sa tag-iya ang suspek, dali kining mikaratil og dagan palayo sa maong dapit.
Sa paghulagway ni Bert, batan-on pa ang suspek nga misulay sa paglugos sa iyang kanding nga posibleng hubog o ilawom sa presensiya sa gidiling druga.
Nahibilin ang brief ug tsinelas sa suspek sa pagkaratil niini og dagan.
Gipaigmat karon sa mga awtoridad ang katawhan sa Lebak batok sa suspek nga padayong gipangita. (Edgar E. Fuerzas)