ANDAM na ang Davao City Police Office (DCPO) sa pag-deploy sa kapulisan alang sa makalingaw ug hudyaka nga selebrasyon sa Duaw Davao 2025.
Kini ang gibutyag ni DCPO spokesperson Police Captain Hazel Tuazon sa Superbalita Davao kagahapon, Hunyo 2, 2025, human nga nahitsas na sa DCPO ang mga ginsakpan nga maoy mamahimong magbantay sa palibot sa Davao City atol sa nasampit nga kaugdahan.
“Andam na ang atong kapulisan ug mga force multipliers nato for Duaw Davao 2025,” ingon ni Tuazon.
Moihap sa 2,670 ang ipang-deploy nga gilangkuban sa mga pulis, barangay tanud ug mga police auxiliaries nga gipang-deploy gikan Hunyo 5-9.
Una niini, gikompirma ni Public Safety and Security Office (PSSO) Head, Angel Sumagaysay nga 100 porsyento ang kaandam ug plastado na ang Duaw Davao 2025 nga ablihan sa Huwebes, Hunyo 5.
Sumala ni Sumagaysay nga anaa sa kapin 7,000 ka mga security forces ang gikatakdang ipang-deploy alang sa pagbantay sa seguridad sa nasampit nga month-long celebration sa dakbayan.
Gilauman nga bahaon sa mga Dabawenyo ug bisan sa mga bisita ang mga aktibidad sa Duaw Davao labi sa giingong simple apan enggrande nga opening niini sundan sa Parada ug sa duha ka mga konseyerto. (Jeepy P. Compio)