Kidnapper nga pinangita nasignit na


Kidnapper nga pinangita nasignit na

BALHOG na selda sa kapulisan ang most wanted person nga nadakpan alas 4:00 sa hapon, Huwebes, Disyembre 28 sa Parang, Maguindanao del Norte Province.

Giila ang suspek nga si alyas Musaidin, molupyo sa Barangay Gaunan, M’lang, Cotabato Province.

Gibutyag ni Criminal Investigation and Detection Group-Bangsamoro Autonomous Region (CIDG-BAR) Regional Director Lieutenant Colonel Ariel Huesca nga ilang gitunol ang warrant of arrest batok sa suspek nga nagtago sa Barangay Making, Parang, Maguindanao del Norte.

Wala na makapalag si Musaidin sa dihang napalibutan na siya sa mga pulis ubos sa CIDG-BAR.

Uban sa gihimong ronda sa Anti-Kidnapping Group o AKG-Mindanao Field Unit, Tacurong City Police Office ug Parang Municipal Police Station.

Nag-atubang si Musaidin og kasong attempted kidnapping, robbery with multiple homicide ug multiple serious physical injuries nga walay piyansa nga girekomenda.

Gidugang ni Huesca nga dugay na nilang gipangita si Musaidin nga nagtago sa dugay nang panahon human gipasakaan og kaso sa Tacurong City.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph