NAPRISO ang lalaki kinsa pinangita sa balaod tungod sa kasong pagpatay human madakpi sa Purok 5, Barangay Camantangan, Montevista alas 8:00 sa buntag, Agosto 21, 2025.
Ang suspek giila nga si Jury Boy Abne Tejero, 31-anyos, construction worker ug molupyo sa nahisgutang dapit.
Subay sa report, nasayran nga ang suspek nasikop sa kapulisan sa Montevista Municipal Police Station, uban sa lain pang mga unit sa Davao de Oro Police Provincial Office sa gilusad nga manhunt Charlie operation sa dapit.
Matud pa nga ang pagdakop sa suspek nahisubay sa warrant of arrest nga giisyu ni Acting Presiding Virginia D. Tehano-Ang sa Regional Trial Court, 11th Judicial Region, Branch 3, Nabunturan, Davao de Oro nga nanukad sa kasong pagpatay, nakapetsa Abril 22, 2015.
Giingong way girekomendang piyansa ang korte sa kaso sa suspek.
Tingkagol ang dinakpan sa selda sa Montevista MPS samtang magpadayon ang pagtaral sa iyang kaso sa korte. (DTV)