USA ka lalaking negusyante nga unang nireklamo nga siya giholdap, nagdrama ra diay.
Uban ang iyang pamilya niadto ang maong lalaki sa Bunawan Police ning siyudad sa Davao ug nitug-an nga di tinuod ang unang pahayag nga siya giholdap.
Suma sa 25-anyos nga negusyante nga taga Lower Mahayag, Davao City nga way kamatuoran ang unang report nga siya giholdap niadtong Mayo 29, 2024, mga 10 sa buntag sa upat ka mga lalaki.
Dugang pa niini nga nahimo lamang kini niya tungod sa wala mabayri nga utang.
Unang nisulti ang maong lalaki nga gikuha kaniya ang P320,000 nga kuwarta ug selpon.
Gihikay na ang kasong atubangon niya tungod sa gihimong pagpangatik. (Rhona G. Villariasa)