Langyaw gipatay tungod sa pautang?

Langyaw gipatay tungod sa pautang?
Pinaambit ni Nur Bin Abubacar

PAUTANG maoy gilantaw sa mga awtoridad nga motibo sa pagpusil sa usa ka langyaw alas 4:00 sa hapon, Dominggo, Nobyembre 12, 2023, sa Buluan, probinsiya sa Maguindanao del Sur.

Giila ang biktima nga si Singh Laxman, Indian national, minyo ug nagpuyo sa Cotabato City.

Sumala ni Maguindanao del Sur Provincial Police Office Director Colonel Ruel Sermese nga sakay ang biktima sa iyang motorsiklo pauli na sa Cotabato City.

Apan pag abot niini atbang sa Provincial Capitol sa MDS sa Barangay Poblacion, Buluan kalit lang gipusil sa riding in tandem suspects kinsa dali sab nga miikyas padulong sa direksiyon sa Tacurong City.

Samtang ang biktima, patay on the spot nga naigo sa mga bala sa ulo ug nawong.

Gilusad na karon ang hugtanon nga imbestigasyon sa Buluan Municipal Police Station alang sa kasubaran sa krimen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph