NALUWAS ang usa ka 56-kilogramos nga green sea turtle nga babaye niadtong Mayo 2, 2025, sa Samal Island human nakaplagan nga luya ug naglutaw-lutaw sa Coast Guard Station Island Garden City of Samal (CGS Igacos), sa pakig-alayon uban ang Philippine Coast Guard Auxiliary (PCGA).
Ang bao nadiskobrehan sa Purok 5, Barangay Tagpopongan, Babak District, Igacos. Ang pagluwas gipahigayon pinaagi sa koloborasyon sa Coast Guard Marine Environmental Protection Emergency Response Unit (MEP ERU-Igacos), mga opisyales sa Barangay Tagpopongan, City Environment and Natural Resources Office (Cenro-Igacos), ug ang City Veterinarian’s Office.
“The rescued turtle was found along the coast of Barangay Tagpopongan and was immediately assessed by authorities. Following the rescue, the Green Sea Turtle was safely transported to the City Nursery located in Barangay Peñaplata, Samal District, Igacos for further observation and care,” pahayag sa CGS Igacos sa ilang Facebook post, Mayo 3, 2025.
Samtang ang napapas na ang post gikan sa Samal Island Information Page, namahayag nga ang bao gibalhin na ngadto sa Cleanergy Park sa Davao City alang sa rehabilitasyon.
Kini nga insidente nahitabo human ang bag-ohay lang nga namatay nga duha ka laing green sea turtles sa samang lugar, nga nagpataas og kabalaka bahin sa mga hulga niining endangered species ug gipahimug-atan ang dinalian nga panginahanglan alang sa mas lig-on nga paningkamot alang sa marine conservation.
Sumala sa National Oceanic and Atmospheric Administration (NOAA), ang green sea turtle mao ang pinakadako nga hard-shelled sea turtle, nga naklasipikar isip "endangered and protected" ubos sa balaod sa Pilipinas.
Ang green sea turtle gipanalipdan ilawom sa Republic Act No. 9147, labing nailhan sab isip Wildlife Resources Conservation and Protection Act. Kini nga balaod nagdili sa pagpatay, pagpasakit, pagbaligya, o pagbaton sa marine turtles—apil na ang green sea turtles—ilang mga itlog, ug bayanan. Molapas niini mahimong mag-tubing og pagkapriso o pabayron og multa. (Rojean Grace G. Patumbon)