Luyo sa sagunsong tulis sa Tagum City, kapulisan ug LGU nagkisi-kisi

Luyo sa sagunsong tulis sa Tagum City, kapulisan ug LGU nagkisi-kisi
Google Map photo

TAGUM CITY, Davao del Norte — Hugtanong seguridad ang ipatuman sa kapulisan sa Siyudad sa Tagum kini may kalambigitan sa sunod-sunod nga mga krimen nga natala sa milabay’ng mga adlaw.

Gibutyag nga mga alas 9 sa buntag, Disyembre 9, 2023 nagpahigayon og Joint Peace and Security Coordination Meeting ang Tagum City Police Station pinangulohan ni Police Leuitenant Colonel Jeffrey C. Latayada, ang station commander kauban si Police Col. Alexander R. Serrano, Jr., Davao Del Norte Provincial Police Office (DNPPO) Provincial Director uban ang lain pang mga yunit lakip ang Civil Security Unit (CSU) Head sa LGU Tagum nga si Michael Tulen ug si Vice Governor De Carlo “Oyo“ Uy.

Matud pa nga tumong sa maong panagtigom nga mapakusog ang programa sa kahapsay ug kalinaw sa tibuok probinsiya ug ang kasulbaran sa mga natalang krimen sa siyudad sa milabay’ng mga adlaw.

Lakip na niini ang sunod-sunod nga mga tulis ug kawat ug ang uban pang mga krimen nga natala sa siyudad.

Apil sa nasabotan ang pagbalik sa mga fix checkpoint sa siyudad sa tumong nga mapadali ang pagsikop sa mga masupakon sa balaod.

Bangko pahugtan ang seguridad 

Adlaw’ng Biyernes pa lang, Disyembre 8, 2023 sa alas 2 sa hapon una nang nagpahigayon og coordination meeting ang station commander sa kapulisan ning siyudad P/LtCol. Latayada ngadto sa mga manager ug mga head security sa tanang mga bangko sa siyudad.

Matud pa nga tumong sa maong miting nga mapatuman ang hugot nga seguridad sa mga establisyemento o kining mga bangko.

Giawhag sab ang mga manager ug mga head security nga magmabinatayon sa kanunay labi na nga lain-laing mga tawo kon mga kustomer ang nagasulod-gawas sa estalisyemento.

Giawhag nga kung adunay mabantayan nga mga tawo nga dunay kadudahan ang mga lihok o mga tawo nga dunay gibilin nga bagahe  sa dapit, gilayong motawag sa hotline sa kapulisan aron nga marespondehan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph