Mag-uuma nga arestuhon misukol sa pulis, natigok

INAY malinawon nga mosurender sa kapulisan, misukol hinuon ang usa ka mag-uuma nga miresulta sa iyang kamatayon alas 7 sa gabii, Abril 16 sa probinsiya sa Cotabato.

Napatay mao si Harris Balacanan, 28 anyos, minyo, nagpuyo sa Barangay Marbel, Matalam, Cotabato.

Suma ni Cotabato Police Provincial Director Colonel Gilberto Tuzon nga isilbi unta nila ang warrant batok ni Balacanan, apan inay mokalma, mipabuto kini sa iyang armas ngadto sa kapulisan.

Mibalos ang raiding team nga maoy hinungdan sa kamatayon sa suspek nga naka-angkon og tulo ka samad pinusilan sa iyang lawas.

Ang napatay napriso na kaniadto tungod sa kaso sa ilegal nga druga.

Nasakote sab sa otoridad gikan ni Balacanan ang .45 nga armas, bala. (Edgardo E. Fuerzas)