DUOLON sa Department of Agriculture through its Agricultual Training Institute (DA-ATI) ang mga mag-uuma og lubi aron tudloan sila sa pananum, produksiyon ug uban pang teknolohiya nga dunay kalambutan sa lubi.
“Kami talaga yung pupunta sa barangay para dili sila malisdan na mobiyahe pa sila para sa mga training,” butyag ni Richel Zamora, Coconut Farmers and Industry Development Plan (CFIDP) sa ATI Davao alternate focal person.
Matud niya nga buot nilang iseguro nga ang pagbansay nga gihanyag sa CFIDP ngdato sa mga coconut farmers moabot gyud sa aktuwal nga mga benepisyaryo.
“We will conduct the training in the barangay where the coconut farmers are located, Time is very precious for the farmers so as much as possible we will go to them,” pasalig niya.
Gawas sa pagbansay, magdala sab sila ngadto sa mga barangay og mga programa ug kalihukan sa CFIDP.
Ang CFIDP mao ang comprehensive plan nga gitumong sa pagpalig-on sa industriya sa lubi ug magpauswag sa mga kinabuhi sa mag-uuma niini. Kini base sa Republic Act 11524 o ang Coconut Farmers and Industry Fund Act nga mao ang blueprint sa pagpahimulos sa multi-billion-peso coconut levy fund aron sa pagmoderno sa coconut industry ug pagpalambo sa mga mag-uuma ug trabahante sa kalubihan.
Ang pagbansay alang sa mga mag-uuma nagtutok sa "coconut production, processing technologies, value-adding for coconut products and diversification".
“We wanted farmers to maximize the use of their farms for better productivity,” dugang pasalig ni Olivia Gatus, Assistant Center Director ATI Davao ug ang CFIDP focal person.
Gisugdan ang pagbansay niadtong 2023 ug nakahimo na sila og 138 ka mga coconut trainings nga nakatutok sa pagbansay sa taliabot nga mga tigbabansay.
Kasamtangan nakabansay na sila og 5,805 ka indibiduwal kon diin 4,690 niini mga mag-uuma. (PR)