DAKPAN sa Bunawan Police Station ang mag-uyab sa gilusad nga buy-bust operation alas 5:30 sa hapon, Mayo 25, 2024, sa Dacudao Avenue, Barangay 20-B, Davao City.
Motimbang sa 5.09 gramos ang gituohang shabu nga nakumpiska sa kapulisan gikan sa posisyon sa mag-uyab nga sila alyas Noel, 45-anyos, backhoe operator, ug residente sa Brgy. San Emmanuel, Tacurong City ug usa ka alyas Marie, 41-anyos, taga Brgy. Tina, Tacurong City
Sumala sa Bunawan PNP, sa Davao City gibaligya sa duruha ang tinumod nga ilegal nga druga ngadto sa nagtakuban nga pulis.
Gituohan nga dunay mga parokyano ang mga nahisgutan sa siyudad sa Davao, butang nga ginasubay sab karon sa kapulisan.
Nakuha gikan sa posisyon sa mga dinakpan ang mga pakite sa gituohang shabu, marked money, ug pipila ka mga drug paraphernalia.
Mokantidad sa P34,612.00 ang gituohang mga shabu nga gibaligya sa mga suspek. (Jeepy P. Compio)