Magdala'g pusil ipasumbong sa pulis

DCPO Spokesperson Police Captain Hazel Tuazon.
DCPO Spokesperson Police Captain Hazel Tuazon.File photo

GIAWHAG karon sa Davao City Police Office (DCPO) ang mga Dabawenyo nga mosumbong dayon sa awtoridad kung dunay makit-an nga tawo nga nagdala-dala og pusil.

Kini ang gibutyag sa tigpamaba sa DCPO Police Captain Hazel Tuazon human sa natigayong shooting incident sa Buhangin area nga gikalambigitan sa kanhi Mayor sa Cateel Davao Oriental.

Sumala ni Captain Tuazon nga kinahanglan magmabinantayon ang mga Dabawenyo labi na nga hapit na ang kapaskohan.

“I-report dayon nato sa atong mga nearest police stations kung naa mo’y makita nga mga kahinahinala nga mga tawo, labi tong mga nagdala og mga pusil nga walay mga igong papeles,” ingon ni Capt. Tuazon sa mga tigbalita.

Hinuon, sumala ni Capt. Tuazon, nga ang nahitabo sa shooting incident sa Buhangin usa lamang ka isolated case.

“Isolated case lang tong shooting incident sa Buhangin, diin sa karon padayon gihapon natong gipalawman ang maong hitabo, diha sa imbestigasyon niini,” ingon ni Capt. Tuazon.

Sa maong hitabo, na-profile na sa kapulisan ang suspek sa pagpusil-patay sa kanhi mayor.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph