Magtiayon ug magsuon na-'buy-bust'

Magtiayon ug magsuon na-'buy-bust'
Hulagway gikan sa Davao City Police Office

HIMAS bakal ang gidangatan sa mag-asawa ug magsuon human sila nangadakpan sa lehitimong buy-bust operation sa kapulisan sa Sasa Police Station alas 5:05, Lunes sa buntag, Mayo 6, 2024, sa Nakada Village, Brgy. Daliao, Toril District, Davao City.

Si Sasa Police Station commander Police Major Carol Jabagat nag-ila sa mga nadakpan nga sila alyas Orville, 36-anyos, top 1 sa drug watchlist sa siyudad sa Davao, ug ang asawa niini nga si alyas Maysheil, 39-anyos nga mga taga Barangay Daliao, Toril District.

Giila sab ang magsuon nga top 2 ug top 4 sa drug watchlist nga sila alyas Jerry 36-anyos, ug alyas Percy, 38-anyos, pulos nagpuyo sa Barangay Dumoy Proper, Talomo District.

Atol sa operasyon, nakumpiska sa awtoridad ang 42.26 gramos nga gidaghanon sa gituohang shabu nga mokantidad sa P287,368.

Sumala ni Major Jabagat nga dugay na nilang gipanid-an ang ilegal nga lihok sa mga suspek hangtud nga miabot sa punto nga sila mobaligya na og shabu sa nagtakuban nga pulis.

Kasong paglapas sa Republic Act 9165, kun Comprehensive Dangerous Drugs Act of 2002, ang giatubang sa mga suspek sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph