GIKUMPIRMA ni Vice President Sara Duterte nga ang iyang mga suporter nagtakda og hangtud Disyembre 2026 aron nga mohukom siya nga modagan alang sa pagka-presidente sa 2028 national elections.
Ang nagkadako nga panawagan alang sa pagdagan niya nikusog pa human nga daghang mga kandidato nga iyang gi-endosar sa bag-ohay pa lang nga Mayo 2025 nga eleksiyon nakalusot, nga nagsugnod og espekulasyon nga posibleng naghunahuna na siya alang sa taas nga posisyon sa nasud.
Sa paghinabi sa mga tigbalita niadtong Mayo 17 human ang Thanksgiving Mass sa Carmelite Church sa Davao City, gisulti ni Duterte nga duna pa siya'y igo nga panahon nga matimbang-timbang sa iyang mga opsiyon, sama sa iyang gihimo sa 2021 sa dihang nagduha-duha pa siyang modagan sa pinakataas nga katungdanan apan sa ngadto-ngadto niduso siya og kandidatura alang sa pagka-bise presidente.
Nahinumdoman niini nga niadtong 2019, gibalibaran niya ang mga sugyot nga modagan siya sa Senado, ug niadtong 2021, gibutyag niya sa publiko nga di siya modagan sa pagka-presidente sa 2022.
“As I’ve said before—back in 2019, when asked about running for senator, I said no. In 2022, I was asked if I’d run for president, and I made it clear as early as January 2021 that I would not. My decision to run as vice president was influenced by circumstances that unfolded after the filing deadline. Now, for 2028, my supporters have given me until December 2026 to decide. If I don’t make a decision by then, they will look for another presidential candidate. So, I still have more than a year,” padayag niya.
Karon, mga suporter aktibong nag-awhag kaniya nga ikonsidera ang pagdagan og pagka-presidente, iyang gidawat nga ang iyang katapusang hukom himuon sa katapusan sa 2026. Kung di siya mokomitar nianang higayona, ang iyang mga suporter mopaluyo na og laing kandidato.
Samtang gipahibalo ni Duterte nga ang iyang buhatan mopahigayon og serye sa mga aktibidad sa gawas nasud, apil ang pagbisita sa Doha, Qatar, sa katapusan sa Mayo. Ang biyahe nagtumong sa pag-abot sa mga Overseas Filipino Workers (OFWs) ug mga pro-Duterte nga suporter, ilabi na kadtong kasamtangang gidetinar tungod sa pagsalmot sa wala gitugtan nga rali aron suportahan si kanhi President Rodrigo Roa Duterte (FPRRD).
Bisan tuod kung sila gibuhian na, gipahimug-atan ni Duterte ang kaimportante sa personal nga paghimamat kanila aron nga ipadayag ang pasalamat ug uban pa. Usa ka kalihukan sa pasalamat nga gitakda sa Qatar sa Mayo 27 isip kabahin sa iyang pagbisita.
Human niini, gibutyag ni Duterte nga motutok siya sa international campaign nga nagsuporta sa iyang amahan taliwala sa nagpadayong "proceedings" sa International Criminal Court. Sa Mayo 31, dunay rali nga giulohan “ICC, Send FPRRD Home” himuon sa The Hague, Netherlands, ug dugang pang sama niini nga kalihukan ang giplano sa uban pang mga nasud.
Gitin-aw niya nga gihimo na ang mga preparasyon aron nga makakuha og mga permit alang ning mga rali ug dugang pa niya di siya magsaulog sa adlaw'ng natawhan karong tuiga aron nga makatutok sa isyu sa ICC.
Kasamtangan, samtang political interest nagpalibot kaniya isip 2028 prospects padayon nga gimugna, gitagad sab ni Duterte ang nagkataas nga espekulasyon bahin sa posibleng impeachment batok kaniya.
Iyang gikompirma sa samang paghinabi nga mga pagpangandam sa maong kaso nagsugod na sab. Bisan tuod kung ang iyang mga kontra posibleng nagtinguha nga molikay sa pagbista pinaagi sa legal nga estratihiya, apan matud niya nga buot niyang madayon pinaagi sa pag-ingon nga “truly wants a bloodbath.” (David Ezra Francisquete)