DAVAO CITY -- Aron ampingan ang integridad sa inisyatibong subsidiya sa bugas sa gobyerno, nagbahad ang Department of Labor and Employment (DOLE) sa Davao Region ngadto sa mga indibiduwal ug establisemento nga mosulay og maniubra o manago og bugas nga alang sa mga minimum wage earners ilawom sa "Benteng Bigas Meron (BBM) na! program."
Gikanayon ni DOLE Davao Regional Director Atty. Randolf C. Pensoy nga ang ilegal nga aksiyon, nahan-ay sa sibil ngadto sa kriminal ug administratibo mahimong mapasaka batok sa mga malapason, ilabi na kadtong nagpahimulos sa programa alang sa personal nga katagbawan.
“If it is an action taken by the company or an individual, we will file any action — civil, criminal, and administrative. Baka civil: danyos (damages), kasi may damage on the part of the government. And on the criminal side, it could fall under hoarding. We will study kung ano ang pinakatamang (appropriate) aspect that we can file against them,” butyag ni Atty. Pensoy.
Ang BBM rice subsidy program maoy usa sa mga nag-unang social interventions ubos sa administrasyon ni President Ferdinand “Bongbong” R. Marcos Jr.
Nagtinguha kini sa paghimo sa bugas nga maabot pinaagi sa pagpaubos niini ngadto sa presyong P20 matag kilo alang sa kuwalipikado nga modawt, apil na ang minimum wage earners, persons with disabilities, senior citizens, ug mga benepisyaryo sa 4Ps.
Ang gobyerno nag-abaga sa P13 nga gasto, aron pakubsan ang presyo sa merkado gikan sa standard nga P33.
Matag kuwalipikado nga modawat gihatagan og maximum nga 10 kilos sa bugas ubos sa subsidy program.
Nakig-koordinar sab ang DOLE XI uban ang field offices sa ubang mga probinsiya alang sa taliabot nga "rollouts", agad sa rice availability ug instruksiyon gikan sa central office.
Gilunsad sa DOLE XI ang programa, Hunyo 13, 2025 uban sa lain pang mga rehiyonal nga buhatan sa tibuok nasud, target ang 2,200 ka trabahante sa Davao Region.
Apan ang unang hugna sa distribusyon limitado lang sa 400 ka mga modawat, uban ang paghatag og prayoridad sa mga trabahante sa katubhan sa Davao del Sur nga kasamtangang "off-season" alang kanila. (PR)