Mananagat hawod molangoy pero nalumos

Mananagat hawod molangoy pero nalumos
Hulagway gikan sa Philippine Coast Guard Sub-Station-Sta. Cruz

HANGTUD Miyerkules, Abril 10, 2024 wala pa gihapon nakit-an ang mananagat nga na-missing kinsa gituohang nalumos, alas 2 sa hapon, Martes, Abril 9, 2024 sa Brgy. Sinawilan, Sta. Cruz, Davao del Sur.

Ang biktima nailhang si Cocoy Cañete, 35-anyos, residente sa maong lugar.

Daling gihimo ang Search and Rescue Operations (SAR) sa mga miyembro sa Philippine Coast Guard Sub-Station - Sta. Cruz, apan tungod kay lubog kaayo ang dagat, hinungdan nga zero visibility ang sitwasyon, busa temporaryong giundang ang SAR operation.

Sumala sa mga higala na-missing nga maayo man kuno molangoy ang nahisgutan sanglit mananagat kini, apan dako ilang katingala sa hitabo.

Nagtuo sab ang mga higala niini nga nahubog ang nahisgutan kinsa naligo sa dagat ug wala na katunga.

Nagpadayon ang mga rescuers sa pagpangita sa biktima kagahapong adlawa. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph