SAMTANG nagsingabot ang Mayo 12, 2025 nga lokal ug nasudnong eleksyon, subling nanawagan ang Partido Demokratiko Pilipino–Lakas ng Bayan (PDP-Laban), ang political party ni kanhi President Rodrigo Duterte, alang sa mano-mano nga pag-ihap sa mga boto sa precinct level. Kini nga lakang nagpahimug-at sa adbokasiya sa partido alang sa "electoral transparency and compliance" uban ang Election Automation Law.
Sa opisyal nga pahayag niadtong Abril 28, 2025, giawhag sa PDP-Laban ang Commission on Elections (Comelec) nga ipatuman ang Section 31 sa Republic Act No. 9369, nga nag-amendar sa Republic Act 8436. Ang probisyon nagmando nga mga balota kinahanglan nga basahon ug isa-isahon sa pag-ihap sa presinto.
“The law clearly states that ballots must be read aloud and individually,” paghimug-at sa PDP-Laban nga nagtumbok sa mga kabalaka sa integridad sa prosesong automated.
Gisaway sa partido bag-ohay lang ang "Comelec public updates regarding A=utomated Counting Machines (ACMs), accusing the poll body of misrepresenting guidelines on internet connectivity during voting".
Sa Comelec Resolution No. 11098, giinsistar sa PDP-Laban nga ang ACMs kinahanglan nga pabiling "offline" hangtud sa pagkahuman nga mga election returns (ERs) ma-imprinta ug masusi na. Ilang giawhag ang komisyon nga mopagawas og clarificatory resolution aron nga pormal nga magdili sa bisan unsa nga internet connectivity atol sa mga oras sa mga pagbotar pinaagi sa pag-ingon nga ang maong lakang makapalig-on sa kompiyansa sa publiko sa resulta sa eleksiyon.
Isip tubag sa maong kabalaka, subling gikanayon ni COMELEC Chairman George Erwin Garcia nga ang mga ACMs di ikonektar sa internet atol sa pagprinta sa mga election returns.
“That’s automatic. If it’s not in the guidelines, it means there is absolutely no internet connection, nor will there ever be one. If the internet were to be used, it should be explicitly stated in the rules … What is not included is excluded—that’s the principle. And that is something a skilled and knowledgeable lawyer like him should fully understand,” matud ni Garcia sa sinaksak nga pinulongan ug dugang nagkanayon nga ang bisan unsang pagtuis kinahanglan nga tataw nga gimando sa balaod ug sa pag-uyon sa mga resolusyon. (David Ezra Francisquete)