Mansiyon sa doktora gilamoy's kalayo

DAOT o depektibo nga linya sa kuryente maoy gitumbok nga hinungdan sa pagkaugdaw sa dakong balay o mansiyon nga gipanag-iyahan sa doktor alas 5:03 sa hapon, Dominggo, Septyembre 1, 2024, sa siyudad.

Matud sa tigpamaba sa Bureau of Fire Protection (BFP-Cotabato City) nga nakadawat sila og taho sa sunog nga natigayon sa Governor Gutierrez Avenue, Barangay Rosary Heights 7 sa dakbayan.

Abtik nga nagresponde ang mga bombero apan pag-abot nila sa dapit, dako na kaayo ang kalayo.

Human sa 30 minutos nga pagkombati sa kalayo, nakontrola na si BFP ang sunog ug wala na kini makatabok pa sa kasikbit nga mga balay.

Gipanag-iyahan ang mansiyon ni Dra. Rosamarie Q. Agustin kinsa abtik nga nakagawas sa balay, uban ang iyang pamilya, sa dihang midilaab ang dakong kalayo.

Sa inisyal nga pagsusi sa BFP sa danyos sa sunog, gibanabana nga mokantidad kini og P800,000. (Edgar E. Fuerzas)