TINGKAGUL na sa prisuhan ang giilang Top 6 Regional level drug personality sa gikasa nga buy-bust operation, Abril 1, 2024 sa Purok Capricorn, Lasang Bunawan District, Davao City.
Sa pagpanguna ni PMAJ JAKE C GOLES, Acting Station Commander, nasikop si alyas Master, 37 anyos, minyo ug Aircon Technician nga taga Purok 54 Brgy Leon Garcia, Davao City.
Nakuha gikan kaniya ang 30.13 gramos sa gituohang shabu, balor Php 204,884.00.
Nanganti ang hepe nga mas pakusgan nila ang kampanya kontra ilegal nga druga sa ilang Area of Responsibility inubanan sa aktibong suporta sa komunidad.
Sa datus gikan Davao City Police Office (DCPO) gikan 3;00PM Marso 22 ngadto 12:00NN sa Abril 1,2024, anaa sa 45 ka drug operations ang nahimo nila ug mokabat sa 51 ang naaresto.
Miabot sab sa 331.3359 gramos sa shabu ang nakumpiska nga may standard drug price nga P2,253,084.12.
Samtang sa nakumpiska nga marijuana anaa kini sa 125,4824 gramos o P15,057,888. (RGV)