Masuso gilabay sa kanal sa Sasa

Masuso gilabay sa kanal sa Sasa
Hulagway gikan sa Sasa Police Station

GINASUBAY na sa kapulisan uban sa barangay ang pagkakaplag sa usa ka fetus sa kanal alas 5:30 kagahapon sa buntag, Hunyo 25, 2024, sa Pices Trucking compound, Purple Dolores, Cabayugan 1, Barangay Sasa, Davao City.

Usa ka alyas Jocelyn ang nakamatikod nga may kanaas ug may daw gilabay duol sa iyang balay.

Sa iyang paglili sa may kanal, nakita niya ang usa ka supot.

Apan dihang gitutokan niya kini, perte niyang kurata tungod bata ang sud sa plastik.

Nanawag og pakitabang ang ginang diin sa pagsubay sa mga personahe sa Barangay Disaster Risk Reduction and Management Center (BDRRMC) sa Sasa wa nay kinabuhi ang masuso nga 7 ngadto sa 8 ka bulan.

Ang kapulisan nagpanubay kinsa ang mibuhat sa niluog nga paglabay sa maong bata ngadto sa kanal.

Nahukman sab sa barangay nga pakusgan ang ilang Information drive labot family planning.

Sa pagpanubay sa SuperBalita Davao, giingon sa awtoridad nga ilang subayon ang posibleng namatikdan nga nagsabak sa ilang barangay ug sutaon ang kahimtang niini. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph