Matagbaw sa durian, presyo mas nitiurok

MATAGBAW ang mga Dabawenyo sa prutas nga durian atol sa 39th Kadayawan kay presyo niini nikubos tungod sa kadaghan sa suplay gikan sa ani sa lokal ug importasyon gikan sa kasikbit nga mga probinsiya.

Gikanayon ni Fe Oguio, usa ka agricultural technologist ug durian focal person gikan sa City Agriculturist’s Office (CAGRO) atol sa ISpeak media forum, Huwebes sa buntag, Agosto 16, 2024, sa City Mayor’s Office, nga ang presyo sa durian sa Bankerohan nihagba ngadto sa P50 hangtud P60 matag kilo. Mga lugar kon asa nagagikan ang suplay sama sa Calinan, mga presyo naa na lang sa P25 hangtud P30 matag kilo.

“Gamay pa gyud po ang moabot diri sa atoa, labi na sa downtown proper so ang makita nimo nga prices ranges naa sa mga P50 to P70 pero og moingon lagi ta og mga exportable varieties nato labi na sa Durian mahal pa gyud siya,” matud niya sa live broadcast sa News Fort.

Esplikar ni Oguio nga ang eksport sa mga matang sa durians sama sa Puyat ug D-101, nga dunay presyo nga niabot og P100. Matud niya nga ang taas nga huwaw nihatag sa mga kahoy nga prutas og igong panahon aron nga moprodyus og bunga, ug ang ilang buahtan nilaum nga mga 21,000 metriko tonelada nga durian sa katapusan sa Agosto padulong Septyembre.

Iyang gitin-aw nga kung unsa dunay nahimong positibo impak ang eksportasyon sa durian sa kita sa mga mag-uuma niini. Kung way eksportasyon, ang lokal nga merkado bahaon sa durians, nga di sab makaayo sa lokal nga ekonomiya.

“Rest assured nga ang quality nga moabot sa atoang market, moabot sa consumers gwapo gihapon kay dili man tanan nga varieties nato are preferred na sa export market naa patay daghan nga varieties,” pasalig niya.

Giingong dunay pipila ka mga mag-uuma nga nipili pagtanum og durians tungod sa iyang potensiyal sa internasyonal nga merkado ug nagsagop sila sa agricultural nga paagi aron nga modaghan ang produksiyon.

Gitaho sa CAGRO nga ang siyudad nilaum og mga 150,000 metriko tonelada nga prutas. Niining gidaghanon, 21,000 metriko tonelada mao ang durians, 4,000 mt mangosteen, 4,000 mt lanzones, ug 1,000 mt mao ang rambutan.

Dugang pa ni Oguio nga ang nahabilin nga 120,000 metriko tonelada langkuban sa mga prutas sama sa pinya, saging, langka, guyabano, ug uban pa. (RGP)