Mga anak ipa-enrol duol sa gipuy-an

Mga anak ipa-enrol duol sa gipuy-an
Philippine News Agency
Published on

NIAPELA ang Department of Education-Davao Region (DepEd-Davao) ngadto sa mga ginikanan nga ipa-enrol ang ilang mga anak sa mga tulunghaan nga duol sa ilang mga pinuy-anan aron nga di na malisdan sa pagbiyahe ug makatabang nga di na magdasok sa partikular nga pampubliko nga tulunghaan.

Sa paghinabi uban ang DXDC RMN Davao kagahapon, Hunyo 18, 2025, gitaho ni DepEd-Davao spokesperson Jenielito “Dodong” Atillo nga ang usa ka semana nga pagbukas sa klase sa Davao Region malinawon sa kinatibuk-an ug hapsay. Apan dunay ubang mga eskuwelahan nakasinati og paghuot tungod sa pagdaghan sa mga nagpa-enrol.

Esplikar ni Atillo nga ang paghuot sa daghang mga tulunghaan nag-ugat gikan sa mga ginikanan nga mipili nga ipa-enrol ang ilang mga naak sa mga institusyon nga layo sa ilang panimalay, nagbalewala sa mas duol nga opsiyon nga mas praktikal. Iyang gipahimug-atan nga ang pagpili og eskuwelahan sa duol di lang makabenepisyo ang kabataan pinaagi sa pagpakubos sa oras sa pagbiyahe ug kahago, apan makapagaan sab sa matag adlaw nga responsabilidad sa mga ginikanan kinsa mokuyog kanila sa eskuwelahan.

Nahitabo ang abiso kay dul-an sa 1.4 milyon ka tinun-an sa tibuok Davao Region nibalik na og tungha niadtong Lunes, Hunyo 16, nagtimaan sa pagsugod sa School Year 2025–2026. Ubos sa “Lesson One on Day One” policy sa DepEd, mga klase sugod gilayon, ug wala na himoa ang mga tradisyonal nga opening-day routines sama sa oryentasyon o pagpanglimpyo.

Gikanayon ni DepEd-Davao Regional Director Allan Farnazo nga ang unang adlaw sa tigtungha hapsay, kon diin kasagaran sa mga eskuwelahan nakaabot o hapit na maabot ang target sa ilang enrollments. (David Ezra Francisquete)

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph