Mga nasunogan sa Brgy. Matina Aplaya nakadawat na og hinabang

Mga nasunogan sa Brgy. Matina Aplaya nakadawat na og hinabang
Pinaambit nga hulagway

NAKADAWAT og ayuda ang mga biktima sa sunog sa Barangay Matina Aplaya Davao City sa milabay'ng semana gikan kang First District Representative Paolo Duterte. 

Personal nga giadtuan sa iyang anak nga si Rodrigo “Rigo” Duterte II, isip iyang representante ang mga biktima ug gitunalan og hinabang pinaagi sa PPP program. 

Food packs ug cash ang gipadala ni Congressman Duterte ngadto sa walo ka mga house owners, 6 ka mga renters, duha ka sharers ug usa ka caretaker.

Wa magduha-duha ang usa sa mga biktima sa sunog nga si Girlie Mae Tirso sa pagpasalamat ngadto sa kongresista.

Nagpasalamat sab si Matina Aplaya Barangay Captain Nestor Cirunay ngadto kang Duterte, sanglit wa kini sukad mapakyas sa pagpadala og hinabang sa mga barangay labi na sa may kalamidad nga mahitabo. 

Tumong ug gisiguro sa PPP Program nga daling makaresponde ug matabangan ang mga nanginahanglan labi na panahon sa kalamidad. 

Base sa datos sa Davao City Disaster Risk Reduction and Management Office (CDRRMO), anaa sa 40 ka mga indibiduwal ang naapektuhan sa sunog, ang uban kanila ang anaa temporaryong nagpahiluna sa Matina Aplaya gym samtang ang uban ang nakipuyo usa sa ilang mga paryente. (Uban sa taho ni Cheche Diabordo, KAMM Media Network Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph