GISALIKWAY sa kanhi taas nga opisyal sa rebeldeng komunista nga si Jam “Ka Amihan” Saguino ang mga alegasyon nga militarisasyon sa University of the Philippines Mindanao (UP Min), ug giinsister nga ang presensiya sa 11th Regional Community Defense Group (11RCDG), Reserve Command of the Philippine Army, sa kampus legal, dugay na, ug lunlon sibiko ang dating.
Si Saguino, kanhi deputy secretary sa Communist Party of the Philippines (CPP) Southern Mindanao Regional Committee ug kanhi NPA guerrilla commander, nagpagawas og pahayag sa Facebook taliwala sa nagkadako nga panawagan nga wagtangon ang reserve unit gikan sa ilang puwesto sa Barangay Bago Oshiro, kon diin ang UP Mindanao ug ang 11RCDG nahimutang.
“There is no militarization in UP Mindanao,” butyag ni Saguino. “The call to remove the 11RCDG is not a defense of academic freedom. It is an attack on a misunderstood institution that has quietly served the country for decades.”
Iyang gipahimug-atan nga ang 11RCDG dili makiggiyera o puwersang tigpaniid, apan civilian-oriented group sa mga reservists, magtutudlo, tinun-an, enhinyero, mag-uuma, ug propesyonal kinsa gibansay nga motubag sa mga kalamidad, molusad og relief operations, ug mosalmot og mga civic programs.
“They are not warfighters roaming campus grounds. They are volunteer reservists… ordinary Filipinos who undergo basic training so that when disaster strikes, they can serve their community,” esplikar niya.
Dugang gitin-aw ni Saguino nga ang Army reserve unit dugay nang gipahimutang sa Bago Oshiro sukad pa 1957, dekada una na-establisar ang UP Mindanao niadtong 1995 pinaagi sa Republic Act 7889. Matud niya nga sukad niini, ang duha ka institusyon pulos na "coexisted" nga malinawon sulod sa samang lugar sa gobyerno.
“UP Mindanao did not get militarized. It was built beside an existing, peaceful, civilian-support unit of the AFP,” pagtin-aw niya.
“The 11RCDG doesn’t bring violence. It brings structure, readiness, and a sense of responsibility to community and country.”
Nagpasidaan sab siya nga ang paningkamot nga paphaon ang 11RCDG kabahin sa halapad nga estratihiya sa radical elements aron nga sabotahion ang presensiya sa gobyerno ug maghimo og lugar alang sa pagpangrekrut sa underground nga communist fronts.
“This tactic is not new. Demonize the uniform. Plant the fear. Make students distrust the government. Then fill that vacuum with an alternative narrative one that glorifies rebellion,” dugang pasabot ni Saguino.
“The real agenda is not student safety, it's about weakening state presence in civilian spaces.”
Si Saguino, kinsa karon tigpasiugda alang sa "national reintegration and peace", nidepensa sa ROTC ug reserve training programs, ug nagkanayon nga nagpromotar sila og disiplina, kaandam, ug gugma alang sa nasud, dili militarisasyon.
“There is nothing oppressive about helping during a flood. There is nothing fascist about evacuating people during an earthquake. There is nothing militaristic about preparing young people to serve their fellow Filipinos in times of crisis,” tataw niya.
Gitapos niya ang iyang pahayag uban ang lig-ong panawagan nga suportahan ang 11th Regional Community Defense Group, ug nag-insister nga ang presensiya niini wala nagsabotahe sa academic freedom apan nagseguro sa proteksiyon sa demokratikanhong mga katungod panahon sa krisis.
Kahinumdoman, sayo ning semanaha, gi-endorso sa UP Mindanao Council of Student Leaders ang resolusyon nga gipasar sa UPMin All Student Councils Assembly (ASCA) nga nanawagan alang sa pagbalhin sa 11RCDG gikan sa nataran sa unibersidad. Ang resolusyon gitakda nga tukion atol sa 59th General Assembly of Student Councils (GASC) sa UP Los Baños gikan Agosto 7 hangtud 9, 2025. Kung masagop na, kini maoy magmugna sa basehan alang sa campaigns and legislative lobbying nga paningkamot sa tibuok sistema sa UP.
Tinguha sa resolusyon nga makaduso og balaudnon sa House of Representatives nga makita sa gihulagway sa mga tinun-an isip “legitimate demands of the UP Mindanao community.” (David Ezra Francisquete)