Miyembro sa LGBT gipatay mismo sa bayaw

Miyembro sa LGBT gipatay mismo sa bayaw
Pinaambit ni Randy Patches

GRABENG kasuko ang gilantaw sa mga awtoridad nga motibo sa pagpatay sa usa ka bayot alas 4:45 sa kaadlawon, Miyerkules, Hulyo 10, 2024, sa Kidapawan City.

Giila ang biktima nga si Jemar Agyo Masamloc, 39-anyos, miyembro sa lesbian, gay, bisexual, and transgender (LGBT) ug nagpuyo sa Talisay Street, Barangay Poblacion, Kidapawan City.

Gitudlo nga suspek mao si Sherken Secoya Tulabing, 36-anyos, minyo ug nagpuyo sa Purok 3-B, Barangay Sumbac sa dakbayan.

Sumala kang Kidapawan Chief of Police, Lieutenant Colonel Dominador Palgar Jr., nga gibisita sa suspek ang iyang igsuon hinungdan nga iyang nakit-an si Masamloc.

Gikompronta ni Tulabing ang LGBT gumikan sa iyang asawa nga gidala niini sa sentro nga bahin sa siyudad ug gipa-trabaho apan unom na ka bulan nga wala na makauli.

Gikantiyawan sa biktima ang suspek nga gamay og utok nga misampot sa grabeng kasuko niini ug gidunggab ang bayot sa makadaghang higayon.

Nadala pa sa balay tambalanan ang biktima apan nabugtoan sa kinabuhi human nakahiagom og pito ka samad dinunggaban sa nagkadaiyang parte sa lawas.

Nadakpan sab dayon sa mga pulis ang suspek nga gibalhog na sa prisohan sa Kidapawan City Police Station ug pasakaan og kasong pagpatay. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph