Modernized Public Utility Vehicle milarga na sa Davao Region

(Pinaambit nga hulagway)
(Pinaambit nga hulagway)

SI Presidential Assistant for Eastern Mindanao Leo Tereso Magno ang nanguna sa paglusad sa Modernized Public Utility Vehicle (MPUV) sa Digos City Miyerkules, Oktubre 4, 2023.

Gipahalipayan ni Magno ang Land Transportation and Franchising Regulatory Board 11 (LTFRB-XI) pinangulohan ni Director Nonito Llanos III alang sa mga inobasyon sa mga PUV nga gikonsiderar nga environmentally-friendly.

"These units will introduce the use of modernized transport vehicles, therefore advancing the goal of LTFRB into making the country's public transportation restructured, modern, well-managed, and environmentally-friendly," ingon sa opisyal atol sa iyang pamulong.

Gihatagan og gibug-aton ni Magno ang kamahinungdanon niining mga inobasyon sa sistema sa transportasyon karon nga nagpunting sa kamahinungdanon sa sektor sa transportasyon sa pag-uswag sa nasud.

"A country will never run without transportation. We will be stagnant," ingon sa opisyal. 

Lima ka Utility Vehicle Express class 3 ug 5 Public Utility Vehicles class 3 ang gi-turnover sa mga sakop sa Davao Sur Transport Cooperative sa maong adlaw.

Ang matag PUV makasakay og kapin sa 20 ka mga pasahero nga P3 lang ang kalainan sa plitehan gikan sa regular nga mga jeepney.

Sa kinatibuk-an, niabot sa 27 ka MPUV ang na-turnover sa Davao Region, diin pito niini ang gigahin sa Davao Occidental ug 20 sa Davao del Sur. (OPAMINE)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph