Nag-bomb joke sa airport gikasohan

Nag-bomb joke sa airport gikasohan
Hulagway gikan sa AVSEGROUP

SANGKO sa langit ang pagmahay sa usa ka lalaki human nga gikasohan ug gipaslak sa prisohan kay nag-bomb joke sud sa Francisco Bangoy International Airport sa Davao City niadtong Biyernes, Mayo 3, 2024.

Ang 42-anyos nga lalaki giaresto sa Davao International Airport Police Station (DIAPS) human nga samtang naa siya sa check-in counter,

gipangutana kini sa Customer Service Agent (CSA) kung duna ba’y mabuak sa iyang bagahe.

Apan inay motubag sa tinarong ang nahisgutan, gitubag nuon niya kini og, “Wala ni mabuak diri Ma’am, bomba lang.”

Gilayong niaksiyon ug nitawag ang CSA sa Philippine Airport Ground Support Solutions Inc. (PAGSS) sa DIAPS ug gi-aresto ang suspek.

Gipasabot dayon ang suspek sa sayop niini nga nahimo ug gidala dayon ngadto sa Sasa Police Station.

Sumala sa Davao Airport, wala naapektuhan ang flight sa eroplano nga sakyan unta sa suspek padung sa Singapore sanglit wala pa kasulod ang suspek sa abyon.

Nagpahimangno ang awtoridad nga dili mohimo og "bomb joke" gumikan usa kini ka kalapasan sa Presidential Decree 1727.

Gipailawom na sa summary inquest proceedings sa Davao Prosecutor’s Office ang suspek. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph