GIKUSTODIYA sa mga pulis ang usa ka lalaki nga giingong nasakpan nga naghithit og rugby sa Purok Mangosteen, Barangay Cagangohan, Siyudad sa Panabo alas 6:50 sa gabii niadtong niaging adlaw.
Ang suspek giila nga si Aldrian Manulat Gilen, 37-anyos, ulitawo, way trabaho ug molupyo sa nahisgutang dapit.
Subay sa report, ang suspek giindorso ngadto sa Panabo City Police Station pinaagi Edison Talara Pamat, barangay tanod, 37-anyos uban sa saksi nga si Villarosa Manulat Gilen, 63-anyos, pulos molupyo sa nahisgutang dapit.
Matud pa nga ang suspek giaresto sa tanod dihang nasakpan nga nagsimhot og rugby.
Nakuha gikan sa posisyon sa suspek ang laing unom ka mga basiyo sa botelya nga gisudlan og rugby.
Tingkagol na ang suspek sa Panabo City Police Station alang sa tukmang disposasyon. (DTV)