Nameke og PUV IDs mag-atuba'g kaso

Nameke og PUV IDs mag-atuba'g kaso
Hulagway gikan sa DCPO

SIKOP ang duha ka indibiduwal nga giingong nagahimo og mga peke nga public utility vehicle (PUV) identification cards (ID) sa Diaz Mall, Bolton ning Siyudad sa Davao.

Dinakpan mao si alyas Cardo, 32, single, nanag-iya sa Zycaniah Computer Shop ug taga Purok 3, Kawayan Drive, Matina, Davao City ug babayeng assistant niini nga si alyas Ivana, 19, estudyante, taga Sanaza St., Purok 15, Barangay 76-D, Bucana, Davao City.

Kapulisan sa San Pedro Police sa pagpangulo ni Police Major Michael S. Uyanguren, acting station commander, uban ang Anti-Scam Unit of Davao City ug City Transport Traffic Management Office (CTTMO), mihimo sa entrapment operation sulod sa Diaz Mall, Bolton ug nasikop ang duruha.

Gihipos sab sa awtoridad ang kagamitan nila nga computer, printer, laminated machine, kuwarta, ug ubang ebidensiya.

Kasong falsification of public documents ang atubangon sa mga dinakpan. (Rhona Goc-ong-Villariasa)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph