%20(1).jpg?w=480&auto=format%2Ccompress&fit=max)
NAKATAKDANG modangop sa Women and Children’s Protection Desk (WCPD) sa Davao City Police Office (DCPO) ang usa ka misis human nga giingong aksiyonan siya’g kinumo sa iyang bana kung makapang-lipstick kini.
Usa ka Maribel, 39-anyos, minyo kang Ronnie, 39-anyos, walay anak ug nag-abang sa Purok 5, Isla Verde, Barangay 23-C, Poblacion, Davao City modangop sa WCPD-DCPO human nga iya na kining na-report sa barangay.
Sa impormasyon nga nakalap sa SuperBalita Davao, gikan sa kasaligan nga impormante nga maghilak si Maribel nga manumbalay kay mahadlok siya’g maigo sa kinumo sa iyang bana.
Niya pa, nga hilig kuno gayud siya nga mang-lipstick bisan pa sa wala pa sila nagkauyab sa iyang bana nga si Ronnie, usa ka barbero nga naa nahimutang sa usa ka mall sa Bajada, Davao City.
Nasayran nga bisan kung naa lang sa balay kining si Maribel, walay adlaw nga dili naka-lipstick, apan pag-abot sa iyang bana mga alas 8 sa gabii, iya na kuno kining tanggalon.
Apan niadtong Miyerkules, rest day sa iyang bana, nakalimot suma pa siya, diin diha na niya nahibal-an nga naa diay iyang bana dihang hapit na kini mahuman og butang.
Gipadayon na lang kuno niya, ug nanglaba siya, apan dihang nangaon na sila sa paniudto, perteng pulaha sa lipstick ni Maribel nga maoy gikasapot sa iyang bana.
Diriyot nga nasumbagan si Maribel, maong pagkahuman og paniudto mikaratil adto si Maribel sa iyang mga higalang silingan ug nanabi sa hitabo. (Jeepy P. Compio)