NADAKPAN ang usa ka 31-anyos nga lalaki human gisilbi sa Sta. Ana Police Station ang warrant of arrest ngadto sa nahisgutan nga dunay kasong pagpanghimas ug kasong lugos.
Pinaagi sa Manhunt Charlie operation, nadakpan ang usa ka alyas Rey, laborer, ug residente sa 54-A, Sitio Visayas Barangay Leon Garcia, Agdao District, Davao City.
Usa ka Joint operation ang gilusad alas 2:30 sa hapon, Marso 24, 2024 pinaagi sa Sta. Ana PNP ubos sa superbisyon ni Police Lieutenant Colonel Ronald L. Lao.
Ang nahisgutan dunay warrant sa kasong Sexual Assault, duha ka ihap sa Acts of Lasciviousness ug Statutory Rape dunay criminal case no: R-DVO-24-00383,84,85,86-CR gi-isyu ug gipirmahan ni Hon. Zarah Daquila Aguisando-Silvosa, presiding Judge sa RTC 11th Judicial Region Branch 33, Davao City pinetsahan Pebrero 7, 2024.
Anaa sa P180,000 ang piyansa sa sexual assault samtang tag P180,000.00 matag usa sa Acts of Lasciviousness ug walay piyansa ang kasong statutory rape.
Ang suspek dalhon sa Bureau of Jail Management and Penology (BJMP), Ma-a City Jail alang sa tukmang disposasyon sa kaso. (JPC)