Nanghimas sa menor gipriso na

Nanghimas sa menor gipriso na

NADAKPAN na sa Baliok Police Station ang 29-anyos nga lalaki kinsa dunay kasong child abuse ug ang pagpanghimas niini og pribadong parte sa lawas sa menor de edad, ala 1 sa hapon, Hunyo 20, 2024, sa Purok 2, Barangay Baliok, Davao City.

Malampusong nasilbi ang warrant of arrest batok sa suspek nga si Marvin (bansagon gitago), minyo, ug nagpuyo sa Crestview Subdivision, Barangay Ula, Tugbok District, siyudad sa Davao.

Human nga nasiplatan ang suspek sa dapit, daling giposasan sa mga pulis pagkahuman sa pagbasa kaniya sa warrant sa kalapasan sa Lascivious Conduct ug Child Abuse nga dunay criminal case number R-DVO-24-02600-CR ug R-DVO-24-02601-CR.

Ang warrant batok sa suspek gipagula ni Hon. Zarah Aquila Aguisando-Silvosa, Acting Presiding Judge sa RTC 11th Judicial Region, Branch 33, sa Davao City pinetsahan Mayo 30, 2024.

Walay girekomenda nga piyansa alang sa kasong Lascivious Conduct apan sa Child Abuse dunay piyansa nga P80,000.

Ang suspek gibalhog sa selda sa Baliok police samtang naghulat sa sunod mando sa korte labot sa iyang kaso. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph