NAG-ATUBANG na og kasong frustrated murder ang tricycle driver nga nalambigit sa away sa kalsada duol sa Matina Crossing traffic light sa Davao City niadtong Dominggo sa gabii, Hulyo 6, 2025, human gialegar nga nagdunggab sa taksi drayber atol sa panagbangi.
Ang suspek, giila nga Rande Delmar, giaresto atol sa hot pursuit operation nga gilunsad sa mga sakop sa Talomo Police Station pipila ka oras human ang insidente. Si Delmar, kinsa nisulay og sibat gikan sa nahitaboan, nadakpan niana gihapong gabhiona ug naa ilawom sa kustodiya sa pulis.
Sumala sa inisyal nga imbestigasyon sa pulis, ang panag-away nahitabo human ang Honda XRM nga motorsiklo ni Delmar ug ang Golden Taxi sa biktima namatikdan nga agresibong nitulipsay sa Coastal Road sa Talomo, hinungdan sa panagbangi.
Sa dihang niabot sa may Matina Crossing, mga saksi nagsulti nga si Delmar ninaug sa iyang motorsiklo, niduol taksi, nagpugos og abri sa pultahan sa driver’s side, ug nagdunggab sa biktima, 22-anyos nga si Rondo Dialang Mot, sa taas nga bahin sa tiyan gamit ang gunting. Unya dali siyang nisibat gikan sa nahitaboan, nagbiya sa iyang motorsiklo.
Samtang ang nagpakabana nga tawo gidali ang drayber sa taksi sa paghatud Talomo Police Station aron makapangayo og tabang una siya gidala ngadto sa Davao Adventist Hospital aron nga katambalanan. Wala madugay, gibalhin siya pagdala ngadto sa Southern Philippines Medical Center (SPMC) alang sa dugang medikasyon.
Narekober sa pulis ang hinagiban nga gigamit sa pag-atake, ang usa ka pares sa gunting nakita sa nahitaboang lugar, samtang ang laing pares naa sa posisyon ni Delmar sa dihang giaresto siya. Ang iyang motorsiklo gikustodiya sa pulis isip ebidensiya.
Pormal nang gi-inquest sa Talomo PNP si Delmar niadtong Lunes, Hulyo 7, ug gipasakaan og frustrated homicide.
Si Davao City Police Office (DCPO) spokesperson Police Captain Hazel Caballero Tuazon, sa paghinabi uban sa dxdc RMN Davao, nagpahimangno sa mga motorista nga magpabilin nga makalmahon samtang nagbiyahe sa dalan, ug nagpahimug-at nga ang pagmaneho usa ka matang sa panginabuhi aron pagsuporta sa pamilya, di aron nga makiglambigit og kasamok. (David Ezra Francisquete)