Nasunogan giasikaso sa CSWDO

Nasunogan giasikaso sa CSWDO
(Tampo nga hulagway)

GIASIKASO na sa City Social Services and Development Office (CSWDO) sa Davao City ang mga nasunogan sa Purok 16, Sto. Niño, Barangay Crossing Bayabas, Toril District, Davao City ala 1 sa hapon, Dominggo, Hunyo 16, 2024.

Sa pagsuwat ning balita, padayon ang gihimong assessment sa mga social workers sa mga pamilya nga nasugan.

Sa report, nagsugod ang sunog sa balay sa usa ka Elen Bibat.

Sanglit gama sa mga light materials ang kadaghanan sa kabalayan, daling mikanit ang kalayo nga maoy hinungdan sa pagkasunog sa katorse ka mga balay diin ang tulo sa ihap partially damaged ra.

Anaa sa 19 ka pamilya ang apektado sa sunog diin miabot sa P165,250 ang damyos nga padayon pang giimbestigahan og unsay hinungdan sa kalayo.

Gihan-ay na sa CSWDO ang pinansyal nga ayuda sa lokal nga panggamhanan aron makasugod pagbalik sa ilang mga balay ang nasunogan. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph