Natagak, gilatayan og backhoe

Natagak, gilatayan og backhoe
Pinaambit nga hulagway

PUGSIT ang usa ka construction worker nga naligsan og heavy equipment alas 5:00 sa hapon, Sabado, Mayo 11, 2024, sa probinsiya sa Maguindanao del Norte.

Giila ang biktima nga si Benjie Calile, 30-anyos, minyo, ug nagpuyo sa General Santos City.

Gibutyag ni Sultan Kudarat Chief of Police Lieutenant Colonel Esmael Madin nga sakay ang biktima sa bachoe nga gimaneho sa iyang silingan nga si Necail Gontenas sa Barangay Macaguiling, Sultan Kudarat, Maguindanao del Norte sa dihang aksidente kining nahulog.

Giingong diretso nga napasok sa ilawom nga bahin sa bachoe si Calile ug on the spot nga nakabsan sa kinabuhi sa dihang gilatayan sa heavy equipmet.

Nasayran nga sila si Calile ug Gontenas pulos nagtrabaho sa usa ka construction company nga dunay proyekto sa nahisgutang probinsiya.

Boluntaryo hinuon nga nisurender ang bachoe operator ngadto sa kapulisan sa Sultan Kudarat Municipal Police Station ug nagkanayon nga wala niya tuyoa ang hitabo ug aksidente lang nga nahagbong ang biktima nga niresulta sa iyang kamatayon human malatayi sa backhoe.

Balhog na ang drayber sa bachoe sa prisohan sa Sultan Kudarat MPS samtang ang patay nga lawas sa biktima ang gikuha na sa iyang pamilya. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph