DAVAO CITY — Giabi-abi ni Presidential Assistant for Eastern Mindanao Leo Tereso Magno ang bag-ong na-install nga regional director sa National Intelligence and Coordinating Agency (NICA) 11.
Niadtong Lunes, Marso 11, 2024 niretiro si kanhi NICA 11 RD Evarly Tajanlangit human sa 35 ka tuig sa serbisyo.
Si Tajalangit gipulihan ni Enrique Magalona, kinsa kanhi nagserbisyo sa Philippine Army.
Gipahalipayan ni Magno si Tajalangit sa iyang pagretiro ug malampusong karera sa NICA. Gipasalamatan usab niya siya sa iyang dakong kontribusyon sa intelligence agency.
Gihangop usab ni Magno si Magalona kinsa misaad nga buhaton ang iyang labing maayo sa iyang katungdanan isip NICA 11 director.
Si Magno mipasalig nga makigtambayayong kang Magalona, ilabina sa pagmintinar sa insurgency-free Davao Region.
Si Magno ang Cabinet Officer for Regional Development and Security (CORDS) sa Southern Mindanao. (Uban sa taho sa OPAMINE)