Niduaw sa sementeryo, namatay

Niduaw sa sementeryo, namatay
(Hulagway iya sa Maco MPS)

DAVAO DE ORO -- Wa na’y kinabuhing napalgan ang lalaki nga nagbuy-od sulod sa chapel sa Maco Public Cemetery sa Purok 6, Barangay Hijo, Maco alas 9:00 sa gabii, Hunyo 3, 2024.

Ang biktima ulahing nailhan sa pangalang si Jay-Ar Lumabat Trebunalo, 27-anyos, encoder sa Viscaya Bananan Plantation sa Barangay Dumlan, Maco, ulitawo ug molupyo sa Purok 3-A, Barangay Conception, Maco.

Subay sa taho, usa ka nagpakabanang lungsuranon nagpahibalo sa Maco Municipal Police Station kabahin sa patay’ng lawas sa biktima nga nagbuy-od sulod chapel sa nahisgutang dapit.

Matud pa nga sa pagkadawat sa maong taho, kapulisan sa Maco MPS daling niresponde ug gisusi ang sumbong sa maong dapit.

Sumala pa sa kapulisan, maoy naabtan nila ang wa mailhing biktima nga gihulagway nga nagsul-ob og kolor pink nga digital wrist watch, golden necklace, kolor blue nga maong short pant ug kolor puti nga t-shirt, anaa sa gitas-on nga 5’4”, niwangon ug kolor tabonon nga pamanit.

Gibutyag nga narekober gikan sa patay’ng lawas ang kuwarta nga balor P140.00 ingon man ang duha ka mga cellular phone, Samsung ug Vivo.

Wa’y nakit-ang samad sa patay’ng lawas ug gituohang na-cardiac arrest.

Base sa inisyal nga imbestigasyon, alas 9:05 sa buntag sa samang adlaw, ang patay’ng lawas nadiskubre sa purok chairwoman sa dapit nga si Eden Bill, uban sa anak niini nga si Cader Bill, 35-anyos, samtang sila nagpalong sa suga sa chapel sa sementeryo.

Ang biktima ulahi nang nailhan sa matuod niya nga pangalan dihang ang iyang mga kaparyentehan nangadto sa Maco Municipal Police Station ug giila nga si Jay-Ar Lumabat Trebunalo.

Gibutyag sab nga ang biktima niiadto sa maong sementeryo aron sa pagduaw sa lublangan sa iyang higala. (DTV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph