Nilungkab sa balay sa pulis tumbok na

Nilungkab sa balay sa pulis tumbok na
(Hulagway iya sa Midsayap Police)

NAILHAN na sa mga awtoridad ang mga kawatan nga milungkab sa balay sa pulis alas 5:30 sa buntag, Lunes, Mayo 20, 2024, sa Midsayap, probinsiya sa Cotabato.

Gibutyag ni Midsayap Chief of Police, Lieutenant Colonel Realan Mamon, nga gilungkab sa mga kawatan ang balay ni Police Executive Master Sergeant (PEMS) Rex Canja sa Purok Langka, Barangay Central Glad, Midsayap, Cotabato.

Nakasulod ang mga suspek sa balay sa pulis pinaagi sa pagguba sa bintana.

Gikuha sa mga kawatan ang usa ka unit sa giisyu nga pusil nga 9mm Petro Beretta pistol nga dunay serial number N52202, mini component, heater, usa ka unit sa Asus laptop, usa ka G-Shock stainless nga relo, usa ka gold necklace ug gold earrings.

Giingong wala makamatikod ang pamilya ni Canja sa paglungkab sa mga kawatan gumikan kay tua sila sa flower garden ug ang uban anaa sa balkonahe sa balay samtang on duty ang pulis.

Apan mga silingan ni Canja nakamatikod sa mga suspek ug gani uban kanila ilang nailhan.

Si Canja nakadestino sa Police Regional Office 12, Regional Headquarter Service Unit sa General Santos City. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph