NABIYAAN nga kusina sa balay ang giingong maoy hinungdan sa pagkaugdaw niini sa Purok 2, Brgy. San Miguel, Sto. Tomas, Davao del Norte alas 6:10 sa gabii, Lunes, Marso 11, 2024.
Gibutyag nga ang tag-iya sa balay mao si Romulo Gadiano Bagoyo, 40 anyos, mag-uuma ug molupyo sa nahisgutang dapit.
Subay sa imbestigasyon sa Municipal Bureau of Fire Protection nga ang kalayo nagsugod sa dirty kitchen ug tungod kay hinimo lamang sa light materials ang balay dali lang kini gilamoy sa kalayo.
Ang tag-iya nga si Bagoyo nagsaysay nga iyang nabiyaan ang dirty kitchen sanglit niadto siya sa sari-sari store aron sa pagpalit og mga lamas.
Wa’y gikatahong nasamdan o naangol sa sunog apan padayon pang gisubay ang kinatibuk-ang damyos sa sunog.