DAVAO DEL NORTE -- Nadakpan sa mga pulis ang mister nga gitudlong nisulay pagdunggab sa 70-anyos nga lalaki sa Purok 4, Barangay Camudmud, Babak District, Island Garden City of Samal alas 11:50 sa buntag, Agosto 3, 2025
Ang biktima mao si Cesar Sante Nicolas, minyo , mag-uuma nga molupyo sa Purok 4, Barangay Camudmod, Babak District.
Subay sa report, ang anak sa biktima nga si Jessa, 32-anyos nga usa ka dalaga nidangat sa Igacos Police Station ug nitaho nga ang biktima gisulaya’g dunggab sa iyang uyoan nga ginganlan og alyas Rom, 45-anyos, ulitawo, ug molupyo sa samang dapit.
Matud pa nga sa pagkadawat sa maong taho, kapulisan sa Igacos PNP gilayong niresponde sa gitumbok nga dapit aron sa pagpahigayon og imbestigasyon.
Gibutyag sa reklamante nga si Jessa nga iyang nakita ang suspek nga nga niabot sa ilang balay nga gituohang ubos sa impluwensiya sa ilimnong makahubog ug nagbitbit og kutsilyo nga dunay gitas-on nga walo ngadto sa napulo ka pulgada.
Matud pa nga gikompronta sa biktima ang suspek duol sa pultahan sa balay apan sa kalit lang giluba sa suspek ang biktima apan ang biktima giingong abtik nga nakapanagang pinaagi sa paglamba sa pultahan sa lawak.
Ug sumala pa nisulay pagpugos og sulod sa lawak ang suspek apan naabtan sa mga niresponding pulis ug gilayong naaresto.
Narekober sa mga pulis gikan sa posisyon sa suspek ang kutsilyo nga gamiton unta pagdunggab sa biktima. (Dexter T. Visitacion)