Operation QR Count 2025 gilusad

ISIP kabahin sa ilang padayong misyon nga magdependar sa pagkasihag ug katuohan nga eleksiyon, ang election watchdog, National Citizens' Movement for Free Elections (Namfrel) opisyal nga naglunsad sa Operation QR Count (OQC) 2025, usa ka citizen-driven initiative nga nagdasig sa mga Pilipino nga aktibong makiglambigit sa pagsusi sa mga resulta sa taliabot nga 2025 National and Local Elections (NLE).

Gipaila sa Namfrel ang mobile application nga nagtugot sa bisan kinsa nga dunay smartphone ug internet connection nga i-scan QR codes nga makita sa Election Returns nga gi-post gawas sa mga lugar nga gibotoran.

Kini nga "scanned images" isumite ngadto sa Namfrel, kon diin magkompara uban sa official electronic results gikan sa Commission on Elections (Comelec).

Ang app, karon mapuslan na nga libre sa Google Play Store ug App Store, abli alang sa matag usa. Mga tinun-an, grupo sa kabataan, miyembro sa civil society, lokal nga mga kandidato, ug bisan sa ordinaryo nga botante tanan gidasig nga mosalmot.

"Everybody is encouraged to download the Namfrel 2025 app to help independently verify the transmitted election results in their own polling place, voting center, barangay, city, and municipality. Every voter should be an observer. You can do this even if you are not a Namfrel volunteer,” hangyo ni Namfrel National Chairperson Lito Averia pinaagi sa virtual media conference, Huwebes, Mayo 8.

“We especially encourage young people, and even local candidates and their supporters to download and use the Namfrel 2025 app to ensure that the votes in their communities are verified via the Namfrel OQC 2025," dugang pa niya. (David Ezra Francisquete, Jessalou Algodon Silpa)