Di kalikayan nga hangtod karon ma daga, ulitawo, biyudo, biyuda o bisan gani og mga minyo nagpangita ug nagpaabot pa gihapon sa ilang ‘forever’. Apan kahibaw ka ba sa mga sekrito aron kini siya imong makit-an?
Diay mga sugyot nga para nako makatabang aron magkaabot.
Unang sekrito ‘Love yourself’ kay segurado ko nga di gayod ka biyaan sa imong kaugalingon. Himo-a ang kaugalingon nga imong idolo, di mga artista o modelo unya ikaw mismo maoy numero unong fan sa imong kaugalingon.
Unsaon? Tutuki pagpangita ang imong mga maanindot nga hiyas kay para nako ang tinu-uray nga ka-anyag di makita sa nawong og pamarog kundi sa batasan o kina-iya. Para nako, ‘beauty is in the eye of the beholder’. Ang gwapa nimo di gwapa/gwapo sa uban. Undangi na ang pagpanaway kay makasamot hinuon kini og ka law-ay labi na sa batasan.
Ang angay buhaton mao ang pagtutok sa imong mga ma-anindot nga hiyas unya ihapa og tan-awa unsay imong di mapalit nga gasa gikan sa kahitas-an. Kita tanan dunay mga espisyal nga gasa sa kahanas gikan sa naghimo nato nga naka epekto sa kinabuhi sa uban mao ni naka-anyag nimo. Ang uban maayong mo sayaw, ngilngig manluto, manahi, mang garden, mosuwat, magtudlo og uban pa.
Sunod, undanga na ang pagkumparar sa imong kaugalingon ngadto sa uban kay kita tanan lain-lain man biya og agi-anan ug dunay kaugalingong istorya og mga pagtulun-an sa kinabuhi. Wa kitay katungod manghilabot ug manghusga sa uban.
Pangita-i og panahon nga maistorya ang imong kaugalingon aron makahunahuna kung diin ug nganong nasipyat ug leksyon nga nakuha sa imong pagka-dagma.
Planuha kung unsay imong gustong mahitabo sa imong padungan, unsay imong gustong buhaton ug maabot. Hinumdumi nga di lumba ang kinabuhi.
Palayo sa mga mamirang mga alimango. Sila azng mga tawo nga magsige og panaway ug pamantay sa uban. Libuti hinunon imong kaugalingon niadtong dunay positibong panlantaw sa kinabuhi nga maghatag og pagsalig.